سول ہسپتال میں مبینہ خودکش حملے اور اس کے بعد فائرنگ کے نتیجے میں دو ڈی ایس پیز،اور نجی ٹی وی کے کیمرہ مین سمیت گیارہ افراد جاں بحق اور 35افراد زخمی ہوگئے تھے جبکہ مبینہ خود کشن حملہ آور بھی مارا گیا تھا۔ان واقعات اور ٹارگٹ کلنگ کے دیگر واقعات کے خلاف انجمن تاجران بلوچستان نے شٹر ڈاون ہڑتال کی کال دی تھی۔جنگ نیوز کے مطابق پشتونخواہ ملی عوامی پارٹی، جمعیت علمائے اسلام فضل الرحمن اور دیگر مذہبی و سیاسی جماعتوں نے بھی ہڑتال کی حمایت کا اعلان کیا تھا۔مبینہ خودکش حملے کے بعد آج شہر میں سوگ کی کیفیت ہے۔تمام دکانیں اور کاروباری مراکز بند ہیں اور ٹریفک بھی معمول سے بہت کم ہے۔اس موقع پر تمام تعلیمی ادارے بند ہیں اور بلوچستان یونیورسٹی میں بھی تدریسی عمل معطل ہے۔
..........
/110
